Usne chaha hi nahi sath mein rehna warna

Usne chaha hi nahi sath mein rehna warna
Hum mohabbat mein jaan bhi de dete jaan ki khatir
 

Chupkay se nikal gaye

Chupkay se nikal gaye
Aankh se Aanso Dil se Woh
 

Teri judai aur ye July

Teri judai aur ye July
Dono mil k jala rahein hain
 

Wo jin ko dekh k ho jaye zindagi se ishq

Wo jin ko dekh k ho jaye zindagi se ishq
Kahin to kash hamein bhi milen wo pyare log
 

Bare aajeeb se lehjhe mein baat karte ho

Bare aajeeb se lehjhe mein baat karte ho
hain chor jane ki sari nishaniyan tum mein
 

Usay bhati nahi thi meri shararti tabiyat

Usay bhati nahi thi meri shararti tabiyat
Usay tarsa k rakh diya mein ne sanjhida ho kar
 

Mohabbat ki kahani mein agar kaisa magar kaisa

Mohabbat ki kahani mein agar kaisa magar kaisa
Wo shezaadi hamari hai to bas samjho hamari hai
 

Apne khilaf batein khamoshi se sunta hoon

Apne khilaf batein khamoshi se sunta hoon
jawab dene ka haq waqaat ko de rakha hai
 

Mohabbat aik ehsas hai

Mohabbat aik ehsas hai
jis se ho jaye wohi khas hai
 

Yaad uski abhi bhi aati hai

Yaad uski abhi bhi aati hai
buri aadat hai kahan jati hai
 

Na hum giray na hamari tuwaqoaat k minar giray

Na hum giray na hamari tuwaqoaat k minar giray
magar hamain girane mein bohat se log bar bar giray
 

Faslon se agar muskorahat loat aaye tumhari

Faslon se agar muskorahat loat aaye tumhari
To tumhein haq hai k tum doriyan bana lo mujh se
 

Jab tak na aaye tujhe tarap tarap k hansna

Jab tak na aaye tujhe tarap tarap k hansna
Khud ko sitam e yar k kabil na samajhna
 

Sitare torr kar lane ki kia zarorat thi

Sitare torr kar lane ki kia zarorat thi
Sitare doarr kar aayein hum itne dilkhash hain
 

Nahi koi zarorat yaad rakhne ki hamaein

Nahi koi zarorat yaad rakhne ki hamaein
Hum khud hi yaad aayein gay jahan zikar e wafa ho ga
 

Admin : Adding Sana to the whatsapp group.

Admin : Adding Sana to the whatsapp group.
Ibrahim : Hi Sana welcome to the group.
Sana : Hi guys am new to the city
Mustafa : Hi Sana dont worry , am there…any problems i will be the solution
Irfan : Hi Sana.. tell me if you have any problem, will arrange a solution for u
Hafeez : Hi Sana, if you need anything tell me, it will be arranged.
Akbar : Hi Sana mera bhai Hyderabad me hee hai , koi bhi problem ho i will manage it for you..
Sana : Thanx guys for your support
Akber : Sana whats your full name..
Sana : Sana Ullah Khan.
Mustafa left
Akber left
Hafeez left
Irfan left
Ibrahim left
Admin left…
Sana is the admin now
 

kiya karon dard kam nahi hota

door manzil hai raah guzar tanha
rasata khatam hi nahi hota
raza raza hein khawab ankhon mein
kaisay kah don k ghum nahi hota
koi shikwa nahi magar Maula
koi shikwa nahi magar Maula
kiya karon dard kam nahi hota
kiya karon dard kam nahi hota
zindagi k udas lamhon mein
tari yadoon ka sayaban to hai
tara Ehsas tari khushboo hai
mere apno ka aik maan to hai
ya charago ko kya bujhayein gi
k hawaon mein dam nahi hota
koi shikwa nahi magar Maula
koi shikwa nahi magar Maula
kiya karon dard kam nahi hota
kiya karon dard kam nahi hota
kiya kahein kis tarhan guzari hai
zindagi tujh ko jee k dekh liye 
mere zakhmon ki baat karte ho
ye zehar hum ne pee k dekh liya
kia kisi se gila kare koi
toba mayil karaam nahi hota
koi shikwa nahi magar Maula
koi shikwa nahi magar Maula
kiya karon dard kam nahi hota
 

Ab Koi Mujh Ko Dilaye Na Muhabbat Ka Yaqeen

Ab Koi Mujh Ko Dilaye Na Muhabbat Ka Yaqeen
Jo Mujhe Bhool Na Saktey Thay Wohi Bhool Gaye
 

Nahi chor sakte hum dosron k hath mein tum ko

Nahi chor sakte hum dosron k hath mein tum ko
Loat aao k hum abhi tak tumhare hain
 

Jis din kare ga yaad meri mohabbat ko

Jis din kare ga yaad meri mohabbat ko
Bohat roye ga khud ko bewafa keh kar
 

Mujh se kia pochte ho

Mujh se kia pochte ho
Kiyon besabab meri aankhein
Been kar k Roti hain
Tum ko to khabar ho gi
Barishon k mosam mein
Barishein to hoti hain
 

Mere apno ne mujhe ye tehzeeb sikha di hai

Mere apno ne mujhe ye tehzeeb sikha di hai
k rote howe so jao magar shikwa nahi karo
 

Ishq is inteha pay aa phoncha

Ishq is inteha pay aa phoncha
Jaan dena bhi ab kam lagta hai
 

Meri Kismat Mein Bhi Aisa Koi Sajda Kar De

Meri Kismat Mein Bhi Aisa Koi Sajda Kar De
Jo Mere Saare Gunahon Ka Madava Kar De
Saari Duniya Se Chura Kar Mujhe APNA kar De
Meri Mitti Ko Khudaya Sona Kar De
Main Tera Chahne Wala Hun Magar Hai Hasrat
Jin ko TU Chahta hai Mujh Ko Bhi Vaisa kar De
Ek Nazar Apne Gunahgaar Pe Kar Ke MOULA
Apni Rehmat Ka Haqdaar Hamesha kar De
 

Kabhi tum ko zid thi k mein milon

Kabhi tum ko zid thi k mein milon
Kabhi hum bazid the k tu mile
Yunhi dheray dheray khatam howa
ye bhi Silsila chalo khiar hai
 

Tu Shaheen Hai Basera Kar Paharon Ki Chatanon Mein

Tere Sofe Hain Afarangi, Tere Qaleen Hain Irani
Lahoo Mujh Ko Rulati Hai Jawanon Ki Tan Asani
Amarat Kya, Shikoh-e-Khusrawi Bhi Ho To Kya Hasil
Na Zor-e-Haidari Tujh Mein, Na Istaghna-e-Salmani
Na Dhoond Iss Cheez Ko Tezeeb-e-Hazir Ki Tajali Mein
Ke Paya Man Ne Istaghna Mein Meeraj-e-Musalmani
Auqabi Rooh Jab Baidar Hoti Hai Jawanon Mein
Nazar Ati Hai Iss Ko Apni Manzil Asmanon Mein
Na Ho Naumeed, Naumeedi Zawal-e-Ilm-o-Irfan Hai
Umeed-e-Mard-e-Momin Hai Khuda Ke Raazdanon Mein
Nahin Tera Nasheman Qasr-e-Sultani Ke Gunbad Par
Tu Shaheen Hai Basera Kar Paharon Ki Chatanon Mein
 

Jo Mein Sar Basajda Huwa Kabhi To Zameen Se Ane Lagi Sada

Kabhi Ae Haqiqat-e-Muntazir! Nazar Aa Libas-e-Majaz Mein
Ke Hazar Sajde Tarap Rahe Hain Meri Jabeen-e-Niaz Mein
Tarb Ashnaye Kharosh Ho, Tu Nawa Hai Mehram-e-Gosh Ho
Woh Surood Kya Ke Chupa Huwa Ho Sakoot-e-Parda-e-Saaz Mein
Tu Bacha Bacha Ke Na Rakh Isse, Tera Aaeena Hai Woh Aaeena
Ke Shikast Ho To Aziz Tar Hai Nigah-e-Aaeena Saaz Mein
Dam-e-Tof Karmak-e-Shama Ne Ye Kaha Ke Woh Asar-e-Kuhan
Na Teri Hikayat-e-Souz Mein, Na Meri Hadees-e-Gudaz Mein
Na Kaheen Jahan Mein Aman Mili, Jo Aman Mili To Kahan Mili
Mere Jurm-e-Khana Kharab Ko Tere Ufuw-e-Banda Nawaz Mein
Na Woh Ishq Mein Raheen Garmiyaan, Na Woh Husn Mein Raheen Shaukiyan
Na Woh Ghaznavi Mein Tarap Rahi, Na Kham Hai Zulf-e-Ayaz Mein
Jo Mein Sar Basajda Huwa Kabhi To Zameen Se Ane Lagi Sada
Tera Dil To Hai Sanam Ashna, Tujhe Kya Mile Ga Namaz Mein
 

ae hamala! ae faseel e kishwar e hindustan

ae hamala! ae faseel e kishwar e hindustan 
choomta ha teri paishani ko jhuk ker aasman
tujh mein kuch paida nahin derina rozee ke nishan
tu jawan hai gardish e sham o saher ke darmiyan
aik jalwa tha kaleem e toor e sina ke liye
tu tajali hai sarapa chasm e beena ke liye
imtihan e didah zahir mein kohistan hai tu
pasban apna hai tu, dewar e hindustan hai tu
matla e awwal falak jis ka ho vo diwan hai tu
suay khilwat gah e dil daman kash e insan hai tu
barf ne bandhi hai dastar e fazilat tere sar
khanda zan hai kalah e meher e aalam taab par
teri umar e rafta ki ek aan hai ehad e kuhan
wadiyon mein hain teri kali ghataen khema zan
chotiyan teri surayya se hain sargaram e sukhan
tu zameen per aur pehna e falak tera watan
chasma e daman tera aaeena siyyal hai
daman e mouj e hawa jis ke liye rumal hai
abar ke hathon mein rahwar e hawa ke waste
taziyana de diya barq e sar e kohsar ne
Ae hamala koi bazi gah hai tu bhi, jise
dast e qudrat ne banaya hai aanasir ke liye
haye kya firat e tarab mein jhoomta jata hai abar
feel e be zanjeer ki surat ura jata hai abar
junbish e mouj e naseem e subah gehwara bani
jhoomti hai nasha e husti mein har gul ki kali
yun zuban e berg se goya hai iss ke khamshi
dast e gulcheen ki jhatak mein ne nahin dekhi kabhi
keh rahi hai meri khamoshi hi afsana mera
kunj e khalwat khana e qudrat hai kashana mera
aati hai nadi faraz e koh se gati huwi
kausar o tasneem ki moujon ko sharmati huwi
aaeena sa shahid e qudrat ko dikhlati huwi
sang e reh se gah bachti gah takrati huwi
chairti ja iss iraq e dil nasheen ke saaz ko
ae musafir dil samjhta hai teri awaz ko
laila e shab kholti hai aa ke jab zulf e rasa
daman e dil khenchti hai aabsharon ke sada
vo khamoshi sham ki jis per takalum ho fida
vo darkhton per tafakkur ka saman chaya huwa
kanpta phirta hai kya rang e shafaq kohsar per
khushnuma lagta hai ye ghazah tere rukhsar per
ae hamala! dastan uss waqt ki koi suna
maskan e aabaay insan jab bana daman tera
kuch bata uss seedhi sadi zindagi ka majra
dagh jis par ghaza rang e takalluf ka na tha
Haan dikha de ae tasawwar phir woh subah o sham tu
dorh piche ki taraf ae ghardish e ayyam tu
 

Teri Dua Se Qaza To Badal Nahin Sakti

Teri Dua Se Qaza To Badal Nahin Sakti
Magar Hai Iss Se Ye Mumkin Ke Tu Badal Jaye
Teri Khudi Mein Agar Inqilab Ho Paida
Ajab Nahin Hai Ke Ye Char Soo Badal Jaye
Wohi Sharab, Wohi Haye-o-Hoo Rahe Baqi
Tareeq-e-Saqi-o-Rasm-e-Kadoo Badal Jaye
Teri Dua Hai Ke Ho Teri Arzoo Puri
Meri Dua Hai Teri Arzoo Badal Jaye
 

Aarzoo Nahi Hai Ab kisi Aur ki Hum ko

Aarzoo Nahi Hai Ab kisi Aur ki Hum ko
Bas Tum Hi kafi Ho Zindagi Bhar ke liye
 

Koi Diwar Bhi Nahi darmiyan

Koi Diwar Bhi Nahi darmiyan
Main Phir Bhi Qaid Hon Tujh Main
 

Hai Ek Soda Agr Maano To Dono Mil K Taiy Kr Lein

Hai Ek Soda Agr Maano To Dono Mil K Taiy Kr Lein
Jawaz E Zindagi Le Lo Qarar E Zindagi Dy Do
 

Mere RAB ka farman hai

Mere RAB ka farman hai…
” Kisi ko takleef de kar mujh se apni khushi ki DUA mat karna.
Lekin…
Agar kisi ko ek pal ki khushi dete ho to apni takleef ki fikar mat karna…”
 SUBHAN ALLAH 
Allah Pak Apny Habib Ky Sadky Main Sub Ki 
Mushkilat Door Farmaye 
Aameen 
 

Zamana kehta hai bari dilkhash hain meri aankhein

Zamana kehta hai bari dilkhash hain meri aankhein
Unhein kia maloom mera yaar basa hai in mein
 

teergi main bhi roshni hai naa

teergi main bhi roshni hai naa
jo bhi hai, dard dayemi hai naa
is qadar be takallufi toba
sach batao yeh dil lagi hai naa?
main jisay yaad ata rehta hon
wo mera dost matlabi hai naa!
us ne badli hui hain ankhen bhi
us k lehjay main barhami hai naa!
tu ne bola hai, han bicharna hai
“han” ka matlab hansi khushi hai naa?
meri ankhon main jo bhi hai choro
mere seenay main be kalli hai naa!
tujh se le kar tujhi talak hai bas
meri itni c zindgi hai naa!
to kaho aaj kya irada hai?
aaj ki shaam surmayi hai naa!
khamshi! kiua tujhay ganwaon main?
tu muje vajd main mili hai naa!
shayeri, dard, be baha chahat
ab mere pas bas yehi hai naa!
ab tere aor mere bicharnay ka
fesla bhi to baahmi hai naa!
ab muje yaad to na ao gay?
yaani yeh hichki akhri hai naa
 

phatay huye libas se ye shakhsiyat na toliye

phatay huye libas se ye shakhsiyat na toliye
khuda ka khoaf khaiye na bad kisi ko boliye
koi daleel moatabar nahi hai ishq samne
muhabbaton ki jheel main yu zeher to na kholiye
udas hia nazar to rooh main bhi ik fishaar hai
ujjar chukay bohot hamain mazeed to na roliye
hai jism o jan ko das raha yeh silsila sakoot ka
huzoor ap chup kharay hain kiu? labon ko kholiye!
ye kya k raqs e khamshi rahay hamaray chaar soo
zara sama’aton main ras muhabbaton k gholiye
jo das gaye, to ab ye apne aap per malaal hai
k paltay rahay thay aasteen main hum sapoliye
dheyan uska aor hi taraf tha phir bhi janay kiu
wo muj se keh rahi thi, ” jee main sun rahi hon boliye
 

Deti Hai Sakoon Rooh Ko Kaanton Ki Chubhan Bhi

Deti Hai Sakoon Rooh Ko Kaanton Ki Chubhan Bhi
Khushbu Se Kabhi Hoti Hai Seenay Mein Jalan Bhi
Aansoo Hi Nahi Hasil E Izhar E Gham E Dil
Honton Se Larazti Hai Tabasum Ki Kiran Bhi
Ahsaas Ke Andaz Badal Jate Hain Warna
Aanchal Bhi Usi Taar Se Banta Hai Kafan Bhi
 

Tujh ko manzor nahi thi jo mohabbat meri

Tujh ko manzor nahi thi jo mohabbat meri
Mere barhte howe qadmon ko to roka hota
 

Wo bewafai bhi kare to hamain bure nahi lagte

Wo bewafai bhi kare to hamain bure nahi lagte
Afsos hum wafa kar k bhi inhein ache nahi lagte
 

Yunhi umeed dilate hain zamane wale

Yunhi umeed dilate hain zamane wale
 kab loat k aate hain chor k jane wale
 

Wo gunahgaro ki dua bhi suna karta hai

Wo gunahgaro ki dua bhi suna karta hai
hath mayus na hongay utha kar to dekho
 

tumhain ye zulm karna aagya hai

tumhain ye zulm karna aagya hai
muhabbat se mukarna aagya hai
wohi bas han wohi! karti thi jo tum
muje wo jadu karna aagya hai
khuda janay ye kese hogya per
muje dil main utarna aagya hai
batao aainay torray hain kitne
tumhain jo youn sanwarna aagya hai
tumhari aas main jeetay huye ab
hamain bhi roz marna aagya hai
wahan se ab guzarna par raha hai
jahan tum ko theherna aagya ha
muje bhi teri yadon ki gali main
khamoshi se bikharna aagya hai
 

dar e sakha bhi abhi tak tera khula hi nahi

dar e sakha bhi abhi tak tera khula hi nahi
hamaray lab pe to youn bhi koi dua hi nahi
hamain to aik usi ki talab hi jati nahi
k jiska aik muhabbat pe uktifa hi nahi
abi ye loag magan hain haroof tolne main
abhi to sheher ne lehja mera suna hi nahi
muje to youn bhi meri jaa se azeez ho tum
yeh baat alag hai koi tum sa dil ruba hi nahi
bas aik chora sa aangan, tumhari yaad aor main
mere makan main udaai ki intihaa hi nahi
bichar k muj se wo shayed bohot udaas rahay
kabhi main pehel usay chor kar gya hi nahi
wo chahta hai k bas us ki dastaras main rahon
usi k lab pe mere naam ki sadaa hi nahi
usay ab apne hi hathon ganwa k sochtay hain
hamara us k ilawa to koi thaa hi nahi
 

Youn kahani to sunani nahi ati mujh ko

Youn kahani to sunani nahi ati mujh ko
Kya karon? Baat ghumani nahi ati mujh ko
Kar diya kartay hain aansu mere gham ko zaahir
Ik nishani bhi chupani nahi ati mujh ko
Ishq kartab to nahi hai mere masoom sifat
Jheel main aag lagani nahi ati mujh ko
Tum bhi ab din ma mulaqaat ki zehmat karna
Chaandni raat churaani nahi ati mujh ko
Apni janib tujhay kis dhab se karon ga mayel
Ik tawajja bhi dilani nahi ati mujh ko
WO jo pehle bhi batatay huye dil darta tha
Ab bhi wo baat batani nahi ati mujh ko
Din nikalne ko hai so jao khudara ab to
Koi pariyon ki kahani nahi ati mujh ko
 

Darbadar dhonta phiray ga mujhe

Darbadar dhonta phiray ga mujhe
Wo jisay apni aana py ghoman hai bohat
 

Nikalti hai jaise Rooh gunahgaro ki

Nikalti hai jaise Rooh gunahgaro ki
Waise bichar rahe ho tum mujh se
 

Meri aankhon mein jhangta hi nahi

Meri aankhon mein jhangta hi nahi
Pochta hai k kyun khafa main hoon
 

Ye Bhi sach hai k Mujhe mar diya hai usne

Ye Bhi sach hai k Mujhe mar diya hai usne
Ye Bhi sach hai k usay jaan se pyari main thi
 

Haan wo acha tha magar us py yaqeen kia karte

Haan wo acha tha magar us py yaqeen kia karte
Mujh se karta tha hamesha wo adhori batein 
 

Kuch Aesa Tha k Tere Call katne k bad

Kuch Aesa Tha k Tere Call katne k bad
Main phone kaan se pehron hata nahi paya
 

Main ne is se pocha main tumhain kaisi lagti hon

Main ne is se pocha main tumhain kaisi lagti hon
Us ne muskora k kaha tum na sidhi Dil py lagti ho
 

Kaha tha na k nazuk hon mat tarash mujhe

Kaha tha na k nazuk hon mat tarash mujhe
Janoon mein kar hi diya tu ne to pash pash mujhe
 

chalta phirta hua wo tum ne jo gham dekha tha

chalta phirta hua wo tum ne jo gham dekha tha
kon kehta hai k tum ne mujhay kam dekha tha
aina aaj uthaya to bohot rotay rahay
apni soorat ki jagah hum ne alam dekha tha
aaj ki raat wahi dard bhari utray gi
aj phir aapki ankhon ko jo num dekha tha
ab jo har baat pe rotay huye hans deta hai
janay us shakhs ne kis tarz ka gham dekha tha
thaam kar hath saleeqay se gira detay thay
sheher walon ka kayi baar karam dekha tha
ishq main do ka tassawur nahi ho sakta na
hum ne ik zaat main ik zaat ko zam dekha tha
 

teri yaad main kaaton rain piya

teri yaad main kaaton rain piya
gayi neend, gya sukh chain piya
teri aik jhalak tak lene ko
mere taras gaye do nain piya
main khwaab nagar k paar gayi
ik baar nahi har baar gayi
main ro ro jeevan haar gayi
muje teri judayi maar gayi
har simt khamoshi taari hai
aor hijr bhi har soo jari hai
har raat tere bin bhari hai
ab jindri tujh per vaari hai
muje dard milay anmol piya
main hasti bethi roll piya
kabhi mere dukh sukh phol piya
tu mera sanwal dhol piya
 

diya hum bhi jala lete, jo tum atay

diya hum bhi jala lete, jo tum atay
zara sa muskura lete, jo tum atay
kisi ko dekhne bilkul nahi detay
kaheen khud main chupa lete, jo tum atay
to phr ab kya hua jo roshni kam hai
koi jugnu bula letay, jo tum atay
ahar sehra mera ghar hai to phir kya hai
gali dil ki saja lete, jo tum atay
tumhain, tum bhi muyassar ho nahi patay
tumhain tum se chura letay, jo tum atay
hamain is dard main taskeen mil jaye
yeh hum tum se dua letay, jo tum atay
 

yehi malal mujhe bolne nahi deta

yehi malal mujhe bolne nahi deta
tumhara haal mujhe bolne nahi deta
bohot khushi main bohot hi udas rehta hon
ghamon ka kaal mujhe bolne nahi deta
tumhari yaad bohot cheekhti hai aa aa kar
koi khyaal mujhe bolne nahi deta
wo mere haq main bhi qufl e zaban torray ga
yeh ehtamaal mujhe bolne nahi deta
meri nazar se wo har baat jaan leta hai
yehi kamaal mujhe bolne nahi deta
main bolta to qasam se sheher pe chaa jata
koi vabaal mujhe bolne nahi deta
wo jab bhi puchta hai khwaab kiu sajatay ho
to yeh sawaal mujhe bolne nahi deta
 

herat e ishq se niklon to kidhar jaon main

herat e ishq se niklon to kidhar jaon main
aik soorat nazar ati hai jidhar jaon main
yeh bhi mumkin hai k har saans saza ho jaye
ho bhi sakta hai judayi main sanwar jaon main
youn musalsal muje taknay ki na adat dalo
yeh na ho aankh jo jhapko to bikhar jaon main
kya tere dil pe qayamat bhi bhala tootay gi?
gar tujhay dekh k chup chaap guzar jaon main
dekho anjaam to dene hain amoor e dunia
jee to karta hai tere paas theher jao main
thaam rakha hai jo tu ne to salamat hai badan
tu agar hath churra le to bikhar jaon main
jis qadar bigra hua hon main yehi sochta hon
kab tere hath lagon aor sudhar jaon main
kon hai bol mera, meri udaasi tujh bin
tu bhi gar paas na aye to kidhar jaon main
yeh meri umr faqat chaah main teri guzray
mar na jaon jo tere dil se utar jaon main
 

dil machalnay laga hai bolo kuch

dil machalnay laga hai bolo kuch
chaand dhalnay laga hai bolo kuch
dard majboor admi ban kar
hath malne laga hai bolo kuch
kon hai ban k mera saya jo
sath chalne laga hai bolo kuch
tum jo bolay to chain aya tha
dard talnay laga hai bolo kuch
 

jaa baja bikharti hai shab udas logon ki

jaa baja bikharti hai shab udas logon ki
ankh main utarti hai shab udas logon ki
badlon main rakhti hai dukh kayi zamanon k
der tak barasti hai shab udas logon ki
chup k aik takiye main ashk rotay rehtay hain
is tarah guzarti hai shab udaas logon ki
dard shab aseeron se khoob ishq karta hai
dard main nikharti hai shab udaas logon ki
be qaraar haalat main muztarib se is dil k
sehen main tehelti hai shab udaas logon ki
be kali k maray yeh din ka bain suntay hain
aah bharti rehti hai shab udas logon ki
 

meri har baat pe heran na hona pagal

meri har baat pe heran na hona pagal
kuch bhi ho jaye pareshan na hona pagal
jese main tootay huye khwaab liye phirta hon
is tarah tum kabhi veeran na hona pagal
log phir aor masayeb main dhakelain gay tumhain
har kisi k liye aasan na hona pagal
teri wusat muje taskeen aata karti hai
youn haray rehna beyabaan na hona pagal
mujh ko awaz kabi do gay to loat aon ga
mutmain rehna pareshan na hona pagal
aisay tanhai main reh kar na ganwana khud ko
apne hi wastay nuqsan na hona pagal
 

muhabbat thi ye nadaani nahi thi

muhabbat thi ye nadaani nahi thi
hamain to khud pe heraani nahi thi
mere dil se muhabbat thi usay bas
meri soorat ki deevani nahi thi
muhabbat main bari kathnaiyan theen
muyassar koi aasani nahi thi
bara hi muttaqi lehja tha uska
bas us ki baat yazdaani nahi thi
tumhari ankh num hone se pehle
hamain koi pareshani nahi thi
baqaa milti to tum ko sonp detay
hamari umer laafani nahi thi
 

tumhari yaad utaari hai door tak khud mein

tumhari yaad utaari hai door tak khud mein
udaas hone ki soorat nikaal li main ne
tum ao kaam sabhi kal pe daal deta hon
tumharay vastay fursat nikaal li main ne
nahi tha khwaab main bhi hosla bicharne ka
so khwaab se teri furqat nikaal li main ne
wo puch betha tha kya laye ho meri khatir
to jhat se sari muhabbat nikaal li main ne
 

zakhm saray hi bhar diye main ne

zakhm saray hi bhar diye main ne
sukh teri simt kar diye main ne
wo mere sung tha udas to phir
rabtay khatm kar diye main ne
dukh uthaye to apne saray sukh
us ki chokhat pe dhar diye main ne
ab tum aye ho khwaab lene ko
janay kis ko kidhar diye main ne
nochti theen badan teri yaden
in k nakhun kuttar diye main ne
ab tujhay subha tak sataye gi
raat k kaan bhar diye main ne
zain wo yaad bhi na rakhay ga
jitne ehsaan kar diye main ne
 

Sari duniya ki mohabbat se kinara kar k

Sari duniya ki mohabbat se kinara kar k
Hum ne rakha hai faqat khud ko tumhara kar k
 

be zabanon se kisi torr sadayen mangon

be zabanon se kisi torr sadayen mangon
shoq se apne liye roz sazayen mangon
tu bhi kiyun aik hi umeed lagaye rakhay
main bhi kab tak tere milne ki duayen mangon
shayed ab younhi andheron se nikal aaon main
sochta hon tere chehray ki zeyayen mangon
hijr ki dhoop karri jab bhi jalaati hai badan
main tarrap kar tere daaman ki hawayen mangon
pehle khud jurm e muhabbat ki sazayen chaheen
ab batao k main kis mouh se jazayen mangon
tu bhi kya sada hai logon pe yakeen karta hai
jaa teri kher rahay, rab se duayen mangon
 

meri yadein sambhal rakhtay na

meri yadein sambhal rakhtay na
kuch to mera khyal rakhtay na
is tarah cheekhne se kya hoga
koi khud main kamaal rakhtay na
wakay e roye thay meri khatir
apni ankhein to laal rakhtay na
dooriyan be sabab barheen apni
raabta to bahaal rakhtay na
 

pyara hai dilruba hai wo chahain nahi to kya karen

pyara hai dilruba hai wo chahain nahi to kya karen
phela hai chaar soo wohi sochain nahi to kya karen
nazon se paas aye ga, laadon se wo manaye ga
aisi adayen dekh kar, roothen nahi to kya karen
pucha tha us ne aaj yeh rotay ho kiu to yeh kaha
dukh wo jo be hisaab hain, bhoolen nahi to kya karen
wo koi chaand to nahi abr main jaa chupay ga jo
nazron se hatt na paye wo, dekhen nahi to kya karen
kehta hai bas juda hamain, saray sheher se ik wo shakhs
saray ho loag ab hamain parkhen nahi to kya karen
rag rag main dorta hai jo, sanso main jiska vird hai
jan se usay azeez tar, manen nahi to kya karen
 

Mohabbat kuch aalag si hai mujhe us se

Mohabbat kuch aalag si hai mujhe us se
Wo mere khayalon mein nahi duwaon mein rehta hai
 

sisak raha tha mera ik sawal tu chup tha

sisak raha tha mera ik sawal tu chup tha
raha tha dil ma yehi ik malal tu chup tha
udas karti gayeen wo teri udas ankhen
main poochta bhi raha haal chaal tu chup tha
main jab buland raha tu bhi hamkalam raha
so muj pe aan para jab zawaal tu chup tha
jo tera saani muje mil gya to shikwa kiu?
main dhoondta tha teri jab misaal tu chup tha
ab apne dard ka kiu kar dhandora peet’ta hai
main kar raha tha jo tab indamaal tu chup tha
mera dareeda badan dekh kar a ab rona
kaha tha kar le meri dekh bhaal tu chup tha
mere badan k tuje zakhm ab satatay hain
main dukh ki orhay huye jab tha shaal tu chup tha
tuje hi shaam o sahar ka hisaab detay huye
guzar gya tha mera aik saal tu chup tha
ye tere aor mere rabt k mitanay ko
zamana chalta raha aik chaal tu chup tha
 

hum ko to be haal kiya tha ishq k beri jogaan

hum ko to be haal kiya tha ishq k beri jogaan
kesi kesi baat bana li sheher k saray logaan
nazuk nazuk kam sin jindri, barson lambay sadmay
bin dekhay, bin sochay samjhay hashr uthaya rogaan
ab jo hans bhi dein to pehron rona par jata hai
muddat pehle maar diya tha hum ko yaar k sogaan
do roohon ki yaktayi ko jhela karb musalsal
dard muqadar kar daala hai roohon k sanjogaan
do dil walon ki khwakhish ko kon samjhne wala
peron main ronda chahat ko in be dardi logaan
 

kisi be dheyani mein khoo k mujh ko ganwa nahi

kisi be dheyani mein khoo k mujh ko ganwa nahi
main tera naseeb e azal hon ab ye bhulaa nahi
mere seenay lag k bohot hi roye ga der tk
abi raabta tere gham ka muj se hua nahi
tere sogawaar diye sukoon se soo gaye
main wohi hon akhri deep e gham jo bujha nahi
mera sath dena hai gar to hath ko thaam le
muje lambi lambi kahaniyan to sunaa nahi
jo main harf harf main dard bhi na samoo sakon
to yeh jhoot moot hai shayeri, yeh ataa nahi
abi ishq main koi mojaza nahi ho raha
muje aainay mian tumhara chehra dikha nahi
tuje is liye hi to zain chorr k wo gya
k tu ab ki baar jo be wakoof bana nahi
main kisi ko kuch bhi na de sakon ga hareem e jan
k tere siva mere pas kuch bhi bacha nahi
mere zayechay main milan bhi uska nahi likha?
ae najoomi tujh se hisaab theek laga nahi
main kisi ko kuch bhi na de sakon ga hareem e jan
k tere siva mere pas kuch bhi bacha nahi
 

kab tumhari misaal chahta hon

kab tumhari misaal chahta hon
bs tumhara khyaal chahta hon
aa k muj se jawab le kabhi to
main b koi sawaal chahta hon
kya ajab hon k ro saka nahi main
aor ankhen bhi laal chahta hon
gham ka poda sa aik ug raha hai
us ki bas dekh bhaal chahta hon
tere bikhray huye main ab meri jaan
apne shaanon pe baal chahta hon
 

kha raha hai yakeen ko ajab sa gumaan boltay kiyun nahi

kha raha hai yakeen ko ajab sa gumaan boltay kiyun nahi
jal raha hai yeh dil uth raha hai dhuan, boltay kiyun nahi
ik sawali tha shab bhar sakhi ka jo dar khatkhatata raha
aor kehta raha saahib e aastan, boltay kiu nahi
ik zamana tha sar pe uthatay thay aor choomtay thay qadam
ab tumhari himayet main wo aasman, boltay kiyun nahi
kab talak sheher walon k, main in sawalon se tanha larron
kis liye chup kharay ho yeh tum meri jaan, boltay kiyun nahi
wo jo mere liye apna sab kuch lutanay ko tayyar thay
ab kahan hain sabhi wo mere mehruban, boltay kiyun nahi
loag peron talay rond detay hain aor dekhtay bhi nahi
zain ji bolna ho jahan tum wahan, boltay kiyun nahi
 

hamain shikwa to hai is zindgi ka

hamain shikwa to hai is zindgi ka
kaho ab kya karen is be dilli ka
abi poori hui kab baat pichli
sawaal utha tumhari be rukhi ka
hamari umr per phela hua hai
kisi ka sath tha bas do ghari ka
sabhi chehron pe hai ik moat chayi
zamana hi nahi zinda dilli ka
tumharay bin hui barbaad kitni
muje afsos hai teri gali ka
ganwa betha tumhen madhoshiyon main
janaza parh raha hu be khudi ka
muje khuddariyon ne zain, maara
tamasha ban gya bechargi ka
 

Badal de Dil ki duniya dil badal de

Badal de Dil ki duniya dil badal de
Mera Ghaflat mein dooba dil badal de
Hawa o Hirs wala dil badal de
Mera Ghaflat mein dooba dil badal de
Badal de Dil ki duniya dil badal de
Khudaya Fazl farmaa dil badal de
Gunah gaari main kab tak Umr kaatoun
Badal de Mera rasta dil badal de
Sunoun Main naam Tera dharkanon Main
Maza aajaye Maula dil badal de
Hataaloun aankh apni Maasiwa say
Jiyoun Mein Teri khatir dil badal de
Karoun Qurbaan Apni Saari Khushiyaan
Tu apna ghum ata kar dil badal de
Sehal farmaa musalsal yaad apni
Khudaya Reham farmaa dil badal de
Para houn Teray dar par dil shikasta
Rahoun kyu dil shikasta dil badal de
Tera hojaoun itni arzoo hay
Bas itni hay tamanna dil badal de
Meri faryaad sunlay Meray Maula
Banalay apna banda dil badal de
Tera hojaoun itni arzoo hay
Bas itni hay tamanna dil badal de
Meri faryaad sunlay Meray Maula
Banalay apna banda dil badal de
 

Baat to bigharna thi Baat hi kuch aysi thi

Baat to bigharna thi
Baat hi kuch aysi thi
Is tarhan nahi hota
Do dilon ki duniya mein
Tisra nahi hota

 

jab bhi tum chaho mujhe zakhm naya detay raho

jab bhi tum chaho mujhe zakhm naya detay raho

baad mein phir mujhe sehne ki dua detay raho
theek se soch samjh kar Mujhe rukhsat karna
yeh na ho baad main ro ro k sadaa detay raho
acha naa maan liya ishq khata hai meri
jese tum chaho main haazir hon saza detay raho
chorr jao gay to ro dho k sambhal jaon ga
pass reh kar Mujhe gham hadd se sivaa detay raho
rooth kar wo jo tumhain khud hi mana leta hai
zain tum us ko dua sab se juda detay raho
 

kon sunay ga kook ri koyel

kon sunay ga kook ri koyel

chup ho jaa mat hook ri koyel
log karen hum masoomon se
kitna sakht salook ri koyel
us ki khatir kar chorri hai
dunia bhi matrook ki koyel
zulfen thandi chaon jesi
us k nain malook ri koyel
tak tak us ko mitti nahi
in nainan ki bhook ri koyel
 

sheher se door bason sheher basanay k liye

sheher se door bason sheher basanay k liye

main ne kya soch liya umr bitanay k liye
yeh bhi andaz hai ik paas e wafa ka janan
tujh ko har baat batata hon chupanay k liye
yaad atay ho to dukhti hai rag e jaan pal pal
ab to loat Aao mujhe yaad na anay k liye
wo khudawand jahanon main to aa sakta nahi
aor aata hai to bas dil mein samanay k liye
wo bhi kya loag hain ehsaas o junoon se aari
shair kehtay hain faqat naam kamanay k liye
maan jata hai to seenay se lipat jata hai
so main naraz karon us ko mananay k liye
zain shayed mujhe is torr qaraar aajaye
wo agar loat k ajaye na janay k liye
 

jab bhi bechain hua karta hon

jab bhi bechain hua karta hon

apni haalat pe hansa karta hon
itna aasan to nahi bujh jana
is liye kam hi jala karta hon
sochta hon main tujhay har lamha
tujh pe ehsaan kiya karta hon
aik kamray main basa li dunia
shehr main kam hi dikha karta hon
tu to hans hans k chala jata hai
main pareshan raha karta hon
ab main aksar hi kayi logon se
apne baray main suna karta hon
zain wo kuch bhi nahi keh paata
main bhi chup chaap raha karta hon
 

Kab tumhein ishq pe majboor kiya hai humne

Kab tumhein ishq pe majboor kiya hai humne

Hum to bas yaad dilate hain chale jate hain

 

Kitabon se hawaala dun ya tujh ko saamne rakh dun

Kitabon se hawaala dun ya tujh ko saamne rakh dun

Wo mujhse puch baithe hein Namuna kis ko kehte hain

 

Tu Bhi Pani Se Bhar Gaya Inko

Tu Bhi Pani Se Bhar Gaya Inko

Kiya Bighara Tha Meri Aankhon Ne
 

kitni roohani muhabbat hai na mere durvesh

ik tere khwab se jab bhi kabhi jagon roun

phir tere baray kaheen beth k sochon roun
aisay ho jaye mere gham ka madava shayed
teri banhon main kabhi toot k bikhron roun
kitni roohani muhabbat hai na mere durvesh
main k jab jab bhi dua main tujhay mangon roun
meri ankhen hain mere ashk hain meri marzi
masala kya hai tumhain jab bhi main chahon roun
us ki khwakhish ye sajaon ga Aajayeb ghar main
main usay chorr k jata hua dekhon roun
 

kash k khud ko sirf tumhara likhta main

Chahat ka har sood khasara likhta main

kya paya kya khoya saara likhta main
tujh jesa jab aor nahi hai koi to
kyun phir aor kisi ko pyara likhta main
kese apne dard bhula kar loat Aaya
tu ne jese muje pukara likhta main
main ne dukh nazmon mein likhna chorr diye
us ko tha per yehi gawara likhta main
pehle keh detay gar khel samjhtay thay
jaa tu jeeta jaa main haara likhta main
likhta rehta subh o shaam teri baten
jee na bharta phir dobara likhta main
dukh bhi aakhir apne hi to hotay hain
kash k khud ko sirf tumhara likhta main
 

tu ne aakhir rula diya mujh ko

tu ne aakhir rula diya mujh ko

qehqahon main urra diya mujh ko
main to har morr per muyassar tha
tu ne kese ganwa diya mujh ko
mere andar tujhay nahi phoonka
baqi sara bana diya mujh ko
ab ugalta hon sans leta hon
zeher itna pila diya mujh ko
yaad rakha tha muddaton us ne
bas achanak bhula diya mujh ko
tu bhi aakhir zamanay jesa hai
apna chehra dikha diya mujh ko
 

Apni ruswai tere naam ka charcha Dekhon

Apni ruswai tere naam ka charcha Dekhon

Ek Zara sher kahon or mein kya kya Dekhon
Neend aa jaye to kya mahfil e barpa Dekhon
Aankh khul jaye to tanhai ka sehra Dekhon
Shaam ho gai dhundla gai aankhe bhi Meri
Bhulne wale me kab tak tera rasta Dekhon
Ek ek kar ke mujhe chor gai sb sakhiyan
Aaj mein khud ko Teri yaad mein tanha Dekhon
Kaash sandal se Meri maang ujale aakr
Itne gairon mein wahi Haath Jo apna Dekhon
Tu mera kuch nahi Lagta Magar Jan e hayaat
Jane kyun tere liye dil ko dharkta Dekhon
Band kar ke Meri aankhein wo shrarat se hansa
Bujhe Jane ka mein Har rooz tamasha Dekhon
Sab ziden uski mein puri karon har baat suno 
Ek bachche ki tarhan se use hansta Dekhon
Mujhbpe chaa jaye wo barsat ki khushbu ki tarhan 
Ang Ang apna usi rut me mahekta Dekhon
Phool ki tarhan mere jisam ka har labb khil jaye
Pankhuri Pankhuri Un hoonto ka saya Dekhon
Mene jis lamhe ko pooja hai use bs ek baar
Khwab ban kar Teri aankhon mein utarta Dekhon
Tu Meri tarhan se dekhta hai Magar mere Habib
Jee mein aata hai koi or bhi tujh sa Dekhon
Toot jaye k Pighal jaye mere kache ghare
Tujh ko mein Dekhin k ye aag ka dariya Dekhon

 

Jante ho mohabbat kiya hai

Jante ho mohabbat kiya hai

Mehboob ki har us baat ko ignore karna 
Jispe uska munh torne ka dil kare

 

Yeh batao tumhein manane ko

Yeh batao tumhein manane ko 

Akhri baar phone kitni baar karon

 

Zehan mein uljhe hue they Reshmi dhaage bohat

Zehan mein uljhe hue they Reshmi dhaage bohat

Raat hum tarpe bohat Roye bohat Jaage bohat

 

If your birthday is January ..say hi

If your birthday is January ..say hi

If your birthday is February.. say uff
If your birthday is march say..hello
If your birthday is April say ..I am cute
If your birthday is may say ..gorgues
If your birthday is June say.. Sweet
If your birthday is july say…lush
If you birthday is August say..nice
If your birthday is September say..best
If your birthday October say good
If your birthday is November say baby
If your birthday is December say ..beautiful
 

Jab hamare darmiyan kuch bhi nahi

Jab hamare darmiyan kuch bhi nahi

Kis liye shiddat se yaad aate ho tum
 

Lihaaz e ishq hai warna

Lihaaz e ishq hai warna 

Aise ghuma k chamaat dun k tujhe Nani Yaad Aa jaye
 

Pehli mohabbat Purane muqaddame ki tarah hoti hai

Pehli mohabbat 

Purane muqaddame ki tarah hoti hai

Na khatam hoti hai
Na insan ba izzat bari hota hai
 

Dil udas hai mashwara chahiye

Dil udas hai mashwara chahiye

Chai pyon ya Chips khaon

 

Be shomar logo mein mat shomar ho jana

Be shomar logo mein mat shomar ho jana
Mat hamari aankhon ka intezar ho jana
Tum ne kis tarhan sikha bekarar ho jana
Eik ilteja sun lo Tum meri Mohabbat ka itebar ho jana
Zeest na mokammal hai loat kar chale aana
Aur meri duniya mein be shomar ho jana
Is liye yehi tum se bar bar kehta hon
Be shomar logo mein mat shomar ho jana
 

Mohabbat mein jo behte hain

Ae Mere kam sukhan sathi
Tumhain shayad khabar ho gi
Mohabbat mein jo behte hain
Wo Aanso khushk hote hain
 

Kaghaz ki ye mehak ye nasha rothne ko hai

Kaghaz ki ye mehak ye nasha rothne ko hai
Ye aakhri sadi hai kitabon se ishq ki
 

Mujhe Saanso ki hai thorr piya

Mujhe Saanso ki hai thorr piya
Mera sath abhi mat chor piya
Kari minnat zaari tarlay sab
Main ne hath diye hain jhorr piya
Meri Aankhein ro ro khak hoi
Mere ashk na aise rorr piya
 

Bara dushwar hota hai kisi ko yun bhula dena

Bara dushwar hota hai kisi ko yun bhula dena
K jab wo jazb ho jaye rago mein khon ki manind